Kryetari i Nismës Socialdemokrate, Fatmir Limaj, ka shprehur gatishmërinë për të bashkëpunuar me Lëvizjen Vetëvendosje (VV) dhe kryeministrin në detyrë, Albin Kurti, duke theksuar se për të, interesi i Kosovës është mbi çdo ndasi politike.
Ai u shpreh se nuk do të vendosë “vija të kuqe” ndaj asnjë partie për ndërtimin e qeverisë së re, për sa kohë që bashkëpunimi shërben për çështje nacionale.
Kjo deklaratë ka nxitur reagime në skenën politike, përfshirë edhe kryetarin e Partisë Socialdemokrate (PSD), Dardan Molliqaj, i cili e ironizoi Limajn përmes një postimi në Facebook.
