Gazetarët sot kanë vendosur të mos e përcjellin konferencën e zakonshme pas mbledhjes së Qeverisë së Kosovës.
Krejt kjo pas një vonese gati 1 orëshe të ministrit Hekuran Murati, për t’u shfaqur në konferencë.
Pamjet janë publikuar nga Kallxo.com. Aty shihet teksa gazetarët takohen me zëdhënësin e Qeverisë së Kosovës, Përparim Kryeziu, në korridoret e qeverisë.
Kryeziu tenton t’i bindë gazetarët të qëndrojnë, duke shprehur keqardhje për ndodhinë. Megjithatë, gazetarët nuk heqin dorë.
