Deputetja e PDK-së, Ganimete Musliu, deklaroi se Kosova po zbrazet nga profesionistët e ndryshëm, nga mjekët, policët e ushtarët, dhe se këta qytetarë s’po largohen që janë pa punë, por për shkak të arrogancës së qeverisjes së Albin Kurtit.
“Kur do të adresohesh para qytetarëve dhe t’u garantosh atyre siguri që të jetojnë në vendin e vet?”, iu drejtua ajo Kurtit gjatë fjalimit të saj në Kuvendin e Kosovës.
“M’u duke si prindi i keq që del e thotë ‘djali jem s’ka faj, është i edukuar’. Fëmija i han mollët, e të mëdhenjve u mpihen dhëmbët, prandaj sillu si kryeministër dhe jo si prind i keq”, i tha ajo kyreministrit, pasi vlerësoi se ai i doli në mbrojtje ministrit Hekuran Murati.
