Hekuran Murati i Vetëvendosjes tha se për pagat e RTK-së “po mundohemi të gjejmë zgjidhje” por se faji pse ata janë pa paga janë se nuk është formuar komisioni parlamentar nga partitë ish-opozitare para se Kuvendi i Kosovës të shpërbëhej.
Murati i tha gazetares së RTK-së se “është e vështirë” zgjidhja, por se po shohin përmes një “forme kursimi” pa e saktësuar se çka. Ndërsa për rialokim të rezervës së buxhetit, Murati tha se “është shteruar në fillim të vitit” për një çështje që vendi e ka humbur në arbitrazh në rastin e Hotel Grand-it.
“Është situatë tejet e vështirë që të gjithë ata familje të mos marrin paga. Megjithatë ne përkundër vullnetit që kemi. Ne gjetëm mënyrë në muajin gusht, me shpresën që do të kishim kuvend të konstituar. E dhamë overdraftin, që kur të vinë mjet etet të shlyhet overdrafti. Por, Kuvendi duhet të themelojë komisionin parlamentar, megjithatë e pamë situatë. Partitë tjera refuzuan kategorikisht, ne ishim të gatshëm për komisionin, por votat tona ishin të pamjaftueshme. Kësisoj kemi ardhur në situatën që Kuvendi refuzoi pagat RTK. Nuk ka mënyrë si të funksionalizohet komisioni dhe të alokohen mjetet. Po mundohemi të gjejmë një zgjedhje”, th ai.
“Po të ishte veç RTK-ja do të ishte më e lehtë, por kemi edhe KQZ-ë, dhe probleme tjera. Vështirësohet zgjidha po mundohemi të gjejmë zgjidhje, përmes kursimit., të shohim nëse do të jetë e mundur një gjë e tillë. Unë mendoj që siç e thash, duhet t’u kërkohet llogari partive tjera. Pastaj zgjidhjen e afatgjatë, është problem shumë vjeçar. Llogaridhënie. Partitë tjera ua mohuan pagat. Rezervën buxhetore e cila ka qenë e alokuar e buxhetuar, fatkeqësisht e kemi shterur në pjesën e parë të vitit, sepse kemi humbur në arbitrazh në Hotel Grand. Ka qenë obligim i qeveri të kaluara”, deklaroi Murati.
