Ish-kryetari i Lidhjes Demokratike të Kosovës (LDK), Isa Mustafa, ka deklaruar se Agim Veliut duhet t’i jepet mundësia të jetë pjesë e listës së kandidatëve për deputet në zgjedhjet e ardhshme.
Mustafa tha se Veliu mbetet një figurë me ndikim të rëndësishëm në degën e LDK-së në Podujevë dhe se kontributi i tij do t’i shërbente forcimit të strukturave të partisë në këtë komunë.
“Unë mendoj që Agim Veliu ka një ndikim të rëndësishëm në LDK e Podujevës, që mund t’i kontribuojë konsolidimit dhe rritjes së LDK-së në Podujevë, pa marrë parasysh që nuk është kryetar në atë degë,” u shpreh Mustafa në T7.
