Ka ndërruar jetë mjeku i njohur nga Gjilani, Oftalmologu Visar Huruglica.
Lajmin e ka konfirmuar edhe Shërbimi Spitalor Klinik dhe Universitar i Kosovës, përmes një postimi në Facebook.
Për vdekjen e Oftalmologut Visar Huruglica, ka shkruar nënkryetari i LDK-së, Lutfi Haziri.
Telegram ngushëllimi me rastin e ndarjes nga jeta të dr. Visar Huruglica:
Kryetari i Degës së Lidhjes Demokratike të Kosovës-, Dega në Gjilan, z. Lutfi Haziri, i ka dërguar telegram ngushëllimi familjes Huruglica pas ndarjes nga jeta të mjekut të ri nga Gjilani, dr. Visar Huruglica.
“Jam i tronditur me lajmin për ndarjen e parakohshme nga jeta të mjekut të ri nga Gjilani, oftalmologut të njohur dr. Visar Huruglica. Dr. Visari ka dhënë kontribut të pamatshëm për kohën sa punoi si profesionist i mjekësisë dhe vdekja e papritur është një humbje e madhe për Gjilanin e për Kosovën. E dashur familje Huruglica, më lejoni t’ju shpreh ngushëllimet më të sinqerta për këtë humbje të madhe të më të dashurit tuaj e të mjekut tonë. Ngushëllime edhe kolegëve, shokëve e të gjithë atyre që e njohën. Zoti ia lehtësoftë dhimbjen!”.
