Policia e Kosovës ka njoftuar se kanë arrestuar B.K në Han të Elezit pasi dyshohet se ka ndihmuar të arratiset Veton Esatin, i cili është në kërkim nga Policia Rajonale e Ferizajt.
B.K. 45 vjeçar dyshohet se ka ndihmuar Esatin të kalojë kufirin nga Republika e Kosovës në Republikën e Maqedonisë së Veriut.
I njëjti është shoqëruar në Sektorin Rajonal të Hetimeve në Ferizaj dhe me vendim të prokurorit është ndaluar për 48 orë.
Rasti është cilësuar si “Dhënia e ndihmës kryesve pas kryerjes së veprave penale”.
Policia e Kosovës ka kërkuar bashkëpunim nga qytetarët e Kosovës për arrestimin e Veton Esatit, duke publikuar fotografinë dhe të dhënat e tij, i cili dyshohet se ka kryer disa vjedhje të armatosura në Ferizaj.
