Situata në veri të vendit është e qetë dhe po respektohet heshtja zgjedhore para zgjedhjeve të nesërme lokale, raporton Gazeta ‘Enigma’.
Kaq qetë në veri nuk ishte edhe disa ditë më herët, kur situata ishte tensionuar dhe rrugët për pikat kufitare në Jarinjë dhe Bërnjak ishin bllokuar nga serbët lokalë në shenjë proteste pas vendosjes së reciprocitetit për veturat me targa serbe.
Kjo situatë kishte sjellë edhe një marrëveshje mes Kosovës dhe Serbisë në Bruksel e cila parashihte edhe vendosjen e trupave të KFOR-it në pikat 1 edhe 31 për dy javë e të cilat do të largohen pikërisht nesër, më 17 tetor, kur në Kosovë mbahen zgjedhjet lokale.
Gazetari i Klan Kosovës Haris Ademi që sonte ka raportuar nga veriu ka njoftuar se Lista Serbe tek sot ka njoftuar se ka vendosur që të marrë pjesë në zgjedhjet e nesërme. Kryetari i këtij subjekti politik Goran Rakiq ka thënë se për këtë e kanë marrë ‘bekimin’ nga presidenti serb Aleksandar Vuçiq./Gazeta Enigma/
