Presidentët e Rusisë dhe Shteteve të Bashkuara, Vladimir Putin dhe Joseph Biden, ka të ngjarë të takohen në qershor, por vendimi përfundimtar varet nga shumë faktorë, tha një zyrtar i Kremlinit.
Në një intervistë për kanalin ‘Russia 1’, këshilltari i politikës së jashtme,, Yuri Ushakov, tha se kishte sinjale nga Uashingtoni që udhëheqësit do të takoheshin, raporton agjencia ruse e lajmeve TASS.
“Sigurisht, vendimi që do të marrim do të varet nga shumë faktorë,” tha ai.
Më 13 prill, Putin dhe Biden folën në telefon dhe Shtëpia e Bardhë njoftoi se Biden bëri një propozim për të mbajtur një samit “në një vend të tretë në muajt e ardhshëm”, ndersa Biden më vonë konfirmoi se ai i ka ofruar homologut të tij rus që të takohej në Evropë gjate muajeve te ardhshem te kësaj vere, duke mos saktësuar decidivisht datën.
