Pas letrës së sotme që lideri i opozitës, Memli Krasniqi, i ka dërguar kryeministrit Albin Kurti për zhvillimet në pjesën veriore të Kosovës, kryeministri Albin Kurti sonte u ka bërë ftesë krerëve të tri partive opozitare parlamentare, PDK, LDK, AAK për takim nesër paradite.
Nga AAK-ja për Paparacin e kanë konfirmuar se Ramush Haradinaj e ka konfirmuar takimin me Kurtin.
Paparaci mëson se takimi do të mbahet në ora 8 të mëngjesit në kryeministri dhe të tre liderët opozitarë do ta takojnë së bashku Kurtin.
