Liridona Murseli, bashkëshortja e Naim Murselit, ish-këshilltarit të ish-presidentit të Kosovës, Behgjet Pacolli, ka mbetur e vrarë mbrëmë si pasojë e të shtënave me armë zjarri në Prishtinë.
Familjarët kanë bërë të ditur se të ndjerës do t’i jepet lamtumira e fundit nesër.
Ceremonia mortore do të mbahet në orën 14:00 në varrezat e fshatit Cërmjan.
Kujtojmë se Liridona dyshohet se mbeti e vrarë si pasojë e të shtënave me armë zjarri mbrëmë, pasi ajo dhe familja e saj u përballën fillimisht me disa grabitës. Të njëjtit më pas kanë shtënë në drejtim të saj, duke e lënë të vdekur në vend.
