Java e ardhshme do të jetë nën ndikimin e masave të ajrit relativisht të ftohta me origjinë nga veriu.
Përpos ditës së hënë ku parashihen temperaturat më të larta, ditët tjera do të kenë temperatura më të ulëta.
Minimalet do të lëvizin ndërmjet 3 deri në 7gradë Celsius, ndërsa maksimalet e ditës parashihen të lëvizin ndërmjet 14 deri në 20 gradë Celsius.
Të martën dhe të mërkurën parashihen më shumë vranësira të cilat kanë mundësi të sjellin riga të dobëta të karakterit lokal.
Ditët tjera, deri në fundjavë parashihen të kenë një stabilitet, por që temperaturat mbeten të ngjashme .
Të premtën e 23 shtatorit, në orën 02:04 fillon stina e vjeshtës astronomike dhe dita me natën do të jenë të barabarta, pra, do të ndodh ekuinoksi vjeshtor dhe pastaj ditët vazhdojnë të shkurtohen për 1 minutë dhe netët po ashtu zgjaten për 1 minutë.
