Punimet për ndërtimin e Qendrës Kombëtare të Xhudos kanë nisur sot, me një investim i Ministrisë së Kulturës, Rinisë dhe Sportit në bashkëpunim me federatën e xhudos, raporton Gazeta Enigma.
Kjo qendër moderne do të ngrihet në vendin ku sportistët fituan 5 medalje olimpike, përfshirë 3 të arta, në Pejë.
Trajneri Driton Kuka, shprehu emocionet e tij përmes një postimi në Facebook:
“Do të ndërtohet një qendër moderne për sportin e xhudos! E gëzofshim me shumë medalje dhe suksese të reja!”, shkroi Kuka.
Qendra synon të ofrojë kushte të avancuara për stërvitje dhe të përgatisë gjeneratat e reja të kampionëve të xhudos.
