Nita Shala, ka dhënë dorëheqje nga pozita Zëvendësministres së Drejtësisë, post ky që e mbante që nga marsi i vitti 2020.
Këtë e ka konfirmuar vet Shala, e cila ka thënë se arsyeja e dorëheqjes, është vendimi i Këshillit Drejtues të Universitetit të Prishtinës, i cili ndalon emërimin, riemërimin dhe avancimin e stafit akademik që shërben në detyra publike.
“Dorëheqja vjen si pasojë e vendimit të Këshillit Drejtues të Universitetit të Prishtinës, i cili ndalon emërimin, riemërimin dhe avancimin e stafit akademik që shërbejnë në detyra publike. Marrë parasysh përgatitjen time dhe përkushtimin për të kontribuar në ngritjen e brezave të juristëve të rinj në Republikën tonë, vazhdimi i ushtrimit të funksionit të zëvendësministres më është pengesë në përmbushjen e qëllimeve akademike”- tha ajo për Kallxo.
