Një klan kosovarësh akuzohet para Gjykatës së Veveysan (VD) se ka shitur qindra kilogramë kanabis gjatë katër viteve
Tetë orë dëgjim nuk mjaftuan për të ndarë të vërtetën nga gënjeshtra. E akuzuar për përfshirje në trafik të madh droge midis viteve 2014 – 2018, një familje prej gjashtë anëtarësh u paraqit para Gjykatës së Veveysan (VD) të hënën, transmeton albinfo.ch. Gjatë ditës së parë të seancës, drejtësia u përpoq të përcaktojë rolet e secilit prej anëtarëve të klanit të kosovarëve, të vendosur në rajon.
Bëhet fjalë për trafikim që përfshin disa qindra kilogramë kanabis dhe, për disa prej tyre, disa kilogramë kokainë.
Kryefamiljari transportonte hashash dhe marihuanë nga Spanja, të cilën ua shiste dy djemve të tij në Zvicër, duke marrë një komision në këtë proces, shkruan 20min.ch. Këta të fundit konfirmojnë se kanë qenë tregtarë me shumicë dhe rishitës të lëndëve narkotike. Mallrat ruheshin nga nëna dhe bija.
Ndërmjetësi mes burrave, ky i fundit pranon se ka mbledhur dhe paketuar drogën, si dhe ka kryer transferta parash. Ndërsa dhëndri thotë se ishte edhe tregtar.
Një biznes i lindur për të “shlyer borxhet” apo për “të bërë bukën e gojës”, i cili, sipas familjes ka zgjatur vetëm një vit, në vitin 2017, transmeton albinfo.ch. Sipas babait, në paraburgim prej katër vitesh nuk është dhënë asnjë urdhër, të gjithë janë të lirë për të lëvizur.
“Nuk ma vuri kush thikën në fyt. E bëra sepse kisha nevojë”, përsërit njëri nga djemtë. “Kur nuk ke para, është joshëse, sepse janë para të lehta”, përmbledh ai që tashmë është ish-kunati i tij. Por frika nga hakmarrja ndihet brenda klanit.
Mes hashashit dhe marihuanës, seksagjenari dyshohet se ka mbledhur të paktën 768 mijë franga xhiro. Sfida e kësaj seance të gjatë është edhe përcaktimi i masës së këtij trafiku. Gjyqi pritet të zgjasë deri në fund të javës.
