Një i burgosur ka sulmuar një oficer korrektues në burgun e sigurisë së lartë në Dyz, këtë të mërkurë.
Oficeri, pas plagëve të marra, ka marrë edhe trajtim mjekësor, njofton Klankosova.tv.
Këtë e ka konfirmuar për Gazetën Enigma zëdhënësi i Shërbimit Korrektues së Kosovës, Florent Gashi.
“Lidhur me këtë rast mund të konfirmoj se në BSL një i burgosur ka sulmuar fizikisht një oficer korrektues. Reagimi i stafit të sigurisë ka qenë i shpejtë dhe menjëherë është marrë situata në kontroll. Ndaj të burgosurit është iniciuar rasti në polici, ndërsa oficeri korrektues është dërguar në stacion të institucionit për tretman mjekësor”, tha Gashi.
