Policia e Kosovës njofton se të mërkurën ka identifikuar një person të dyshuar në Podujevë, i cili ka shitur mjaltë industrial me prejardhje të papërcaktuar, duke e prezantuar si natyral.
Pas kontrollimit të dy lokacioneve, të njëjtit i janë gjetur 652 kavanozë me mjaltë industrial.
“Podujevë 07.09.2022 – 18:20. Pas një pune hetimore është identifikuar i dyshuari mashkull kosovar , i cili ka shitur mjaltë industrial me prejardhje të papërcaktuar, duke e prezantuar si mjaltë natyral.
Në koordinim me prokurorin dhe gjyqtarin është bërë kontrolli i dy lokacioneve ku janë gjetur 652 kavanozë me mjaltë industrial”, thuhet në raportin 24 orësh të policisë.
Në vendin e ngjarjes ka dalë edhe inspektori i Agjencisë së Ushtrimit dhe Veterinarisë, i cili ka konstatuar se malli është i pasigurt dhe është bërë asgjësimi i tij në vendngjarje.
“I dyshuari pas intervistimit me rekomandim të prokurorit është liruar dhe rasti procedohet në procedurë të rregullt”.
Rasti është hapur si “Tregti e ndaluar, prodhimi dhe vënia në qarkullim e artikujve të dëmshëm ushqimorë”.
