Një punëtor në Obiliq ka vdekur tragjikisht, pasi ra në kontakt me rrymën derisa ishte afër një mikseri të betonit.
Me vendim të prokurorit, trupi i pajetë u është liruar familjarëve.
“Raportohet se viktima mashkull kosovar, derisa ka qenë duke punuar afër mikserit të betonit, dyshohet se ka pasur kontakt me rrymën. Si pasojë i njëjti ka pësuar lëndime trupore dhe është dërguar në QKUK, mirëpo nga stafi shëndetësor është konstatuar se i njëjti është pa shenja jete. Me vendim të prokurorit, trupi i pajetë u është liruar familjarëve”, thuhet në raportin 24-orësh të Policisë.
