Njeriu më i pasur në botë, Jeff Bezos tani është gati të dërgojë njerëz në hapësirë.
Kompania Blue Origin e sipërmarrësit amerikan thotë se do të nisë një ekuipazh në bordin e sistemit të saj me raketa më 20 korrik, shkruan BBC, përcjell Periskopi.
Astronautët ka të ngjarë të përfshijnë personelin e kompanisë, ndërkohë një vend është në ankand në internet.
Fluturimet e Neë Shepard janë nën-orbitale. Ato janë krijuar për të marrë pasagjerë në një udhëtim drejt e lart-poshtë që shkon për pak kohë mbi 100 km (62 milje).
Kjo është e ashtuquajtura Kármán Line, e cila është caktuar me marrëveshje të gjerë ndërkombëtare si pikënisja e hapësirës.
“Vetëm 569 njerëz kanë qenë ndonjëherë mbi Linjën Kármán. Ne jemi gati ta ndryshojmë atë dhe ta ndryshojmë atë në mënyrë dramatike,” tha Ariane Cornell, drejtoreshë e shitjeve të astronautëve në Blue Origin.
Ajo nuk pranoi të komentonte nëse vetë Z. Bezos mund të ishte në fluturimin e 20 korrikut.
Njoftimi i Blue Origin është dëshmi e mëtejshme e një ringjalljeje në turizmin hapësinor pas një boshllëku prej gati 12 vjetësh.
