“Non Grata” edhe më tej në Britani të Madhe, Sali Berisha humb Apelin

Sali Berisha do ta ketë të pamundur hyrjen në Britani të Madhe edhe më tej.

Kjo pasi ish-presidenti dhe ish-kryeministri demokrat i Shqipërisë, e humbi apelin, në “Komisionin Special të Apeleve të Emigracionit në Londër, me Ministrinë e Punëve të Brendshme, “Home Office”.

Përpjekja e avokatëve të Berishës ishte e pa suksesshme për të rrëzuar në këtë komison, dosjen britanike përmes të cilës “Home Office” e shpalli Berishën “non grata” gjatë korrikut të 2022-tës.

Sipas britanikëve, Berisha ishte i përfshirë në korrupsion, ndërhyri në punët e drejtësisë dhe se kishte lidhje me krimin e organizuar.

Mediumi nga Shqipëria, Top Channel ka arritur të siguroj vendimin e lexuar këtë të hënë, nga ku gjykatësi i çështjes rrëzoi pretendimin e zotit Berisha se ai gëzonte imunitet dhe nuk mund të ndëshkohej në këtë mënyrë.

“E gjejmë të pavend aplikimin e formulës të imunitetit si ish-kreu i një shteti i aplikuar në këtë apel. Për këtë arsye dhe të tjera të trajtuara në sesionin e mbyllur kundërshtia e zotit Berisha për ti ndaluar hyrje në Britaninë e Madhe rrëzohet”. /Gazeta Enigma