Eden Hazard ka folur në lidhje me çmimin më prestigjioz individual, Topin e Artë.
Karim Benzema po shihet si fituesi i Topit të Artë këtë sezon.
Pas një paraqitje fenomenale me Real Madridin, ai është pretendenti kryesor që ta marrë atë çmim.
Edhe sipas Hazard sulmuesi francez e meriton të dekorohet si lojtari më i mirë në botë.
“Nuk ka dyshime, Benzema e meriton Topin e Artë”, tha belgu për ‘ESPN’.
Benzema shënoi 44 gola në 46 ndeshje gjithsej për sezonin që lamë pas, duke ndihmuar Realin të triumfojë në La Liga dhe Ligën e Kampionëve.
Ceremonia për ndarjen e Topit të Artë do të mbahet më 17 tetor.
