Policia e Kosovës, konkretisht Drejtoria për Hetimin e Trafikimit me Narkotikë në Prishtinë, pas disa veprimeve operativo-hetimore ka ndërmarrë një operacion taktik të koduar me emrin “Marsi”.
Nga ky operacion është arritur të ndalohen katër persona të dyshuar të cilët ishin duke shkëmbyer substancën narkotike të dyshuar e llojit marihuanë me peshë 114 gramë.
Sipas njoftimit, substanca është gjetur tek i dyshuari me iniciale A.H. ndërsa tre personat e tjerë dyshohet se kishin qëllim blerjen e substancës.
Gjithashtu është kryer kontrollimi i banesës së të dyshuarit A.H. dhe gjatë kontrollimit janë gjetur dhe konfiskuar 2 kg 158 gr. substancë e dyshuar narkotike të llojit marihuanë dhe 1 gr., substancë e dyshuar narkotike e llojit kokainë.
“Lidhur me rastin policia tha se është kontaktuar prokurori kujdestar Departamenti i Krimeve të Rënda dhe me urdhër të gjyqtarit të procedurës paraprake është bërë kontrollimi i banesës se dytë ku është gjetur dhe konfiskuar 240 gr. substancë e dyshuar narkotike e llojit marihuanë”
“Në cilësi të provave materiale janë sekuestruar: Substancë e dyshuar narkotike të llojit marihuanë gjithsejtë: 2 kg 512 gr; Substancë e dyshuar narkotike të llojit Kokainë 1 gr; Dy peshore digjitale; Katër telefona celularë; dhe 670 euro”, thuhet tutje.
Lidhur me rastin, me urdhër të organeve të drejtësisë është realizuar edhe kontrollimi i një shtëpie në Gjilan, por nuk është gjetur asgjë e dyshuar.
Me vendim mbi ndalimin, personave, të dyshuarve iu është caktuar masa e ndalimit prej 48 orëve, dhe rasti vazhdon të hetohet nga sektori qendror i antidrogës së Policisë së Kosovës.
Një orë më vonë hetuesit e antidrogës në një rast tjetër po ashtu në Prishtinë kanë arritur ta arrestojnë edhe një person tjetër të dyshuar me inicialet K.A. për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge dhe të konfiskohen dëshmi relevante për rastin
