Opinionisti Labinot Balaj ka thënë se rreziku për luftë është i vërtetë.
Kjo për faktin se ende nuk ka mbushur një vit, që kur një rrezik të tillë pati Kosova në Banjskë.
Nga sulmi i grupit serbë në veri të Kosovës, mbeti i vrarë rreshteri, Afrim Bunjaku.
“Rreziku për luftë është real, e kemi parë një episod të një lufte në shtatorin e vitit të kaluar. Dhe diskursi i dendur për një rrezik të mundshëm të luftës është më shumë i institucioneve tona komunikim me bashkësinë ndërkombëtare për një alarm”, u shpreh Balaj në Rubikon të Klan Kosova.
“Është një përpjekje e institucioneve tona dhe vullnet i të gjithë qytetarëve për tu anëtarësuar në institucionet e sigurisë ndërkombëtare siç është NATO, duke e pasë parasysh se e kemi Serbinë si një shpat që na rri gjatë gjithë kohës mbi kokë, dhe ky diskurs për luftën është një apel, një kushtrim për bashkësinë ndërkombëtare që pranona në gjirin tuaj sepse jemi në një situatë kufitare”.
