Kryeministri i Hungarisë, Viktor Orban, deklaroi të premten se gjatë vizitës së tij në Uashington javën e ardhshme do të përpiqet të sigurojë një përjashtim për Hungarinë nga sanksionet e reja amerikane ndaj naftës ruse.
Ai theksoi: “Duhet të përdorim tubacionet, përndryshe nuk do të kemi energji. Duhet t’i bëjmë amerikanët të kuptojnë vështirësitë e kësaj situate, nëse duam përjashtime nga sanksionet amerikane ndaj energjisë ruse.”
Në raportim thuhet se SHBA–ja njoftoi së fundmi sanksione kundër kompanive ruse të naftës si Rosneft dhe Lukoil, të cilat gjithashtu prekin importuesit e huaj, përfshirë Hungarinë.
Ndërkohë, ndërsa shumica e vendeve të Bashkimi Europian kanë reduktuar ose ndaluar importet e karburanteve ruse pas pushtimit të plotë të Ukrainës prej Moskës në shkurt 2022, Hungaria dhe Sllovakia vazhdojnë të marrin naftë përmes tubacioneve.
Orban, i cili konsiderohet partneri më i afërt i presidentit rus Vladimir Putin brenda BE‑së, ka ruajtur marrëdhënie të ngrohta me Kremlinin pavarësisht luftës, dhe ka mbajtur një qëndrim të ashpër ndaj Ukrainës, duke e paraqitur atë si kërcënim për sigurinë dhe ekonominë e Hungarisë.
