Presidentja Vjosa Osmani ka pritur në takim ministrin e Jashtëm të Tanzanisë, Mahmoud Thabit Kombo.
E para e vendit tha se diskutuan për rëndësinë e forcimit të lidhjeve mes Kosovës dhe vendeve afrikane.
“E vlerësoj gatishmërinë e Tanzanisë për të ndërtuar ura bashkëpunimi dhe për t’i thelluar raportet tona dypalëshe. Kosova mbetet e përkushtuar për partneritet që bazohet në miqësi, zhvillim të qëndrueshëm dhe respekt të ndërsjellë”, shkroi Osmani.
