Presidentja e vendit, Vjosa Osmani, ka marrë pjesë në samitin e liderëve të procesit Brdo Brionit.
Ajo atje ka theksuar se masat e padrejtat BE-së kundër Kosovës po e dëmtojnë popullin e saj.
Osmani tha se mbështetja e BE-së duhet të shkojë aty ku ka përkushtim të vërtetë për integrim evropian, e jo te satelitët e Putinit, duke aluduar tek presidenti serb, Aleksandar Vuçiq.
“Në samitin e liderëve të procesit Bërdo-Brione në Tivat, theksova se masat e padrejta të BE-së kundër Kosovës po dëmtojnë drejtpërdrejt popullin e Kosovës, përkundër faktit që Republika e Kosovës është 100% e linjëzuar me politikën e jashtme dhe të sigurisë së BE-së”.
“Mbështetja e BE-së duhet të shkojë aty ku ka përkushtim të vërtetë për integrim evropian, për demokraci, sundim të ligjit dhe të drejta të njeriut, dhe jo tek satelitët e Putinit të cilët në mënyrë aktive punojnë drejt destabilizimit të të gjithë rajonit tonë”, tha Osmani.
Kujtojmë se BE-ja pati vendosur masa kufizuese ndaj Kosovës vitin e kaluar, pas ngjarjeve që patën ndodhur në veri të vendit në maj të vitit 2023. /Gazeta Enimga
