Presidentja e vendit, Vjosa Osmani, e ka cilësuar si të patolerueshëm aktin e plagosjes së dy serbëve në Shtërpcë, teksa tha se autori duhet të vihet para drejtësisë.
Osmani tha se institucionet e Kosovës janë të përkushtuara maksimalisht që qytetarëve pa dallim etnie t’iu ofrohet ambient i qetë dhe i sigurt.
“Të plagosurve ju dëshiroj shërim të shpejtë, ndërkaq ftoj organet e sigurisë që rastin ta trajtojnë urgjentisht e sipas ligjit”, është shprehur Osmani.
Kujtojmë se në lidhje me ngjarjen, një person i moshës 33 vjeçare është arrestuar dhe në të njëjtën kohë iu është konfiskuar arma.
