Presidentja Vjosa Osmani është takuar me Mbretin Abdullah II të Jordanisë, në kuadër të Takimit Aqaba në Sofje.
“Pata kënaqësinë që në një takim bilateral me Mbretin Abdullah II të Jordanisë të diskutojmë për forcimin e marrëdhënieve mes Kosovës dhe Jordanisë, sfidat e sigurisë dhe zhvillimet gjeopolitike”, shkroi Osmani në një postim në Facebook.
“Do të forcojmë bashkëpunimin tonë në mbrojtje, ekonomi dhe diplomaci, me marrëveshje që do të konkretizohen së shpejti”, u shpreh tutje e para e vendit. /Gazeta Enigma
