Presidentja e Kosovës, Vjosa Osmani, ka shprehur urimet e saj për Presidentin e Portugalisë, Marcelo Rebelo de Sousa, dhe për popullin portugez, me rastin e Ditës Kombëtare të Portugalisë.
Në një postim në platformën “X”, Osmani ka uruar Presidentin Rebelo de Sousa dhe të gjithë qytetarët portugez, duke theksuar rëndësinë e vazhdimit të forcimit të marrëdhënieve ndërmjet Kosovës dhe Portugalisë.
“Urime Presidentit Marcelo Rebelo de Sousa dhe të gjithë popullit portugez me rastin e Ditës së Portugalisë! Teksa e shënoni këtë ditë të veçantë, presim gjithashtu të thellojmë më tej lidhjet mes vendeve tona përmes bashkëpunimit më të fortë, miqësisë më të ngushtë dhe përkushtimeve të përbashkëta. Feliz Dia de Portugal!”, shkroi Presidentja Osmani.
