Këtë të diel ka pasur të shtëna me armë zjarri në qendër të Gjilanit, ku tre persona kanë mbetur të vrarë, raporton Gazeta “Enigma”.
Ngjarja ka ndodhur në një kafiteri në qendër të qytetit. Policia ka dalë menjëherë në vendin e ngjarjes.
Burime të “Enigmës” kanë bërë me dije se personat e vrarë janë S.H. dhe E.H. babë e bir.
Lajmin për Gazetën “Enigma” e ka konfirmuar, zëdhënësi i Policisë për rajonin e Gjilanit, Ismet Hashani, i cili ka njoftuar se nga ky sulm me armë zjarri dy persona kanë vdekur dhe të tjerë janë të plagosur rëndë.
“Sot 10.08.2025 rreth orës 12:32 dyshohet se ka ndodhur një rast vrasje dhe plagosje me armë zjarri në Gjilan rr. “Ibrahim Rugova “. Në këtë rast mjeku kujdestar e ka konstatuar vdekjen e dy personave ,dyshohet se edhe dy persona të tjerë janë plagosur dhe u është ofruar ndihmë në qendrën emergjente këtu në Gjilan. I dyshimt për rastin është personi mashkull shteras i Kosovës i njohur për policinë i cili për momentin është në arrati”, tha Hashani.
Tutje ai ka shrtuar se “në vendin e ngjarjes kanë dalë njësitet relevante dhe prokurori i shtetit. Policia e Kosovës Njësitet e hetimeve rajonale në bashkëpunim me prokurorin e shtetit po i hetojnë rrethanat e këtij rasti të rëndë”. /Gazeta Enigma./
