Një aksident i rëndë trafiku u raportua të ketë ndodhur sonte në Komoran të Drenasit.
Si pasojë e këtij aksidenti kanë humbur jetën dy persona. Në aksident theksohet të jenë përfshirë dy vetura.
Aksidenti është konfirmuar edhe nga Policia e Kosovës, nga ku u tha se aksidenti ka ndodhur rreth orës 17:00 dhe se fillimisht janë raportuar tre persona të lënduar rëndë.
“Rreth orës 17:00 kemi pranuar informatën se në rrugën Komoran -Caralevë, ka ndodhur një aksident trafiku me pasoja fatale. Në këtë aksident kanë qenë të përfshira dy automjete, të cilat kanë qenë në lëvizje. Si pasojë e aksidentit lëndime të rënda trupore kanë pësuar tre persona, dy prej tyre nuk kanë arritë të përballojnë plagët dhe të njëjtit kanë ndërruar jetë . Vdekjen e tyre e ka konstatuar ekipi mjekësor në vendngjarje. Me rastin po merret hetuesia nga njësiti i trafikut rrugor”, ka thënë Flora Ahmeti, zëdhënëse në Policin e Kosovës.
