Presidenti i ShBA-së, Joe Biden, është planifikuar të udhëtojë në Spanjë të martën për fillimin e samitit të NATO-s – që pritet të fokusohet kryesisht në pushtimin e vazhdueshëm të Rusisë në Ukrainë – pas përfundimit të takimeve me udhëheqësit e G7-ës në Gjermani.
Pas takimit të së martës në mëngjes me kancelarin Olaf Scholz të Gjermanisë, presidentin Emmanuel Macron të Francës dhe kryeministrin Boris Johnson të Britanisë së Madhe në margjinat e G7, Biden do të shkojë në Madrid.
Liderët që do të marrin pjesë në samitin e NATO-s pritet të miratojnë një “Koncept strategjik” të ri që përshkruan synimet e aleancës veri-atlantike për dekadën e ardhshme.
Samiti vjen pasi pushtimi rus i Ukrainës shtrihet në muajin e tij të pestë ndërsa ShBA kërkon të mbajë aleatët të bashkuar në mbështetjen e saj për Ukrainën dhe të mbajë presionin ndaj presidentit rus Vladimir Putin.
