Një mjek palestinez, i cili humbi nëntë fëmijë në një sulm izraelit në fund të majit, ka vdekur nga plagët e marra në të njëjtin sulm.
Hamdi al-Najjar, 40 vjeç, lë pas gruan e tij Alaa al-Najjar, një mjeke në spitalin al-Tahrir brenda Kompleksit Mjekësor Nasser, dhe djalin e tij 11-vjeçar Adam, i cili ende po merr trajtim për plagët.
Pak para sulmit më 23 maj, Alaa ishte larguar për në punë me burrin e saj, i cili më pas u kthye në shtëpi.
Nuk shkoi shumë kohë dhe një sulm izraelit goditi shtëpinë e tyre në zonën Qizan al-Najjar në jug të Khan Younis, duke vrarë nëntë nga 10 fëmijët e tyre dhe duke plagosur të 10-tin.
Alaa, një specialiste pediatrie, po trajtonte viktimat e bombardimeve izraelite atë ditë kur fëmijët dhe burri i saj u sollën tek ajo.
Bëhet e ditur se Najjar pësoi plagë të rënda dhe mbeti në kujdes intensiv deri sa vdiq, gati një javë pas sulmit.
