Kina i ka bërë thirrje Shteteve të Bashkuara të Amerikës që të lirojnë menjëherë presidentin venezuelian Nicolás Maduro dhe gruan e tij, të cilët aktualisht ndodhen në paraburgim në SHBA. Ata u arrestuan nga forcat amerikane pas një operacioni në kryeqytetin e Venezuelës, Karakas.
Ministria e Jashtme e Pekinit ka publikuar një deklaratë ku shprehet se “Kina i bën thirrje SHBA-së që të sigurojë Presidentin Maduro dhe gruan e tij, të ndërpresë përpjekjet për të përmbysur regjimin venezuelian dhe të zgjidhë çështjen përmes dialogut dhe negociatave”.
Në reagimin e mëparshëm, Kina e cilësoi veprimin e SHBA-së si “përdorim të hapur të forcës kundër një shteti sovran”, duke theksuar se ishte “thellësisht e tronditur” nga kjo situatë.
Për momentin, situata është duke u ndjekur me vëmendje ndërkombëtare, pasi tensionet mes SHBA-së dhe Venezuelës janë rritur.
