Ministrja e Punve të Jashtme, Donika Gërvalla, për herë të dytë ka rezultuar pozitiv me COVID-19, shkruan Gazeta ‘Enigma’.
Këtë e ka bërë të ditur vet ministrja përmes një postimi në profilin e saj në Facebook.
“Të dashur miq,të shtunën kam rezultuar të jem pozitive me COVID-19 dhe kam marrë menjëherë natyrisht të gjitha masat për t’u izoluar menjëherë dhe për të punuar nga shtëpia. Kërkoj falje tek të gjithë ata, takimet me të cilët jemi detyruar t’i anulojmë gjatë ditëve të ardhshme”.
Tutje ajo ka bërë thirrje për të gjithë qytetarët e Kosovës që të vaksinohen, të mbrojnë vetën dhe të tjerët.
“Ju lutem, vaksinohuni sa më parë. Vaksinimi është në radhë të parë shprehje e solidaritetit me të moshuarit dhe të sëmurët. Krahasuar me valët e mëparshme të virusit, tek unë duket që vaksinat e marra të kenë ndikuar në përballimin shumë më të lehtë të kësaj vale të virusit”, ka përfunduar Gërvalla./Gazeta Enigma/
