Shtetet europiane shtrëngojnë masat kundër koronavirusit, ndërsa përballen me rritje të infektimeve me variantin Delta. Incidenca 7 ditore e rasteve për 100 mijë banorë në Gjermani është më shumë se trefishuar që prej fillimit të korrikut, bëri të ditur instituti Robert Koch të mërkurën.
Kreu i institutit Lother Wieler paralajmëroi se në vend, kishte nisur vala e katërt e pandemisë. Për të frenuar shifrat në rritje të pandemisë dhe përballë ngadalësimit të fushatës së vaksinimin, kreu i kancelarisë Helge Broun sugjeroi se ata që nuk marrin vaksinën do të shijojnë me pak liri.
“Personave të pavaksinuar mund t’iu refuzohet hyrja në restorante, bare, kinema apo evente sportive, pasi rreziku që përfaqësojnë për të gjithë të tjerët është shumë i lartë”, deklaroi Broun.
Sakaq në Francë, ligj i iri që zgjeron përdorimin e certifikatës shëndetësore në një sërë zonash të tjera publike do të hyjnë në fuqi më 9 gusht, për të ndihmuar vendin të luftojë me valën e 4-rt të koronavirusit.
Sipas ligjit, vetëm qytetarët që janë vaksinuar me të dyja dozat, që janë testuar negative apo janë shëruar së fundmi nga covid-19 do të lejohet të hyjnë në restorante, kafene, qendra tregtare, palestra e madje edhe spitale, shkruan a2news.
Deri të martën, 50.5% e popullsisë franceze, apo rreth 34 milionë njerëz janë imunizuar kundër COVID-19. Në 24 orët e fundit numri i infektimeve ditore arriti vlerën më ta lartë në 3 muaj, me mbi 26 mijë të prekur. Rastet janë shtuar edhe në Itali, ku autoritetet paralajmërojnë qytetarët të ruajnë vigjilencën.
