Trupat e Gardës Kombëtare të Shteteve të Bashkuara po evakuojnë banorët e një qyteti bujqësor në veri të Seattle të premten, ndërsa përmbytjet masive që goditën Uashingtonin Perëndimor kanë bllokuar familje në çati, shkatërruar ura dhe dëmtuar shtëpi nga themelet.
Ditët e fundit me shi të rrëmbyeshëm kanë ngritur lumenjtë në nivele rekord ose afër rekordit, ndërsa Guvernatori Bob Ferguson paralajmëroi se deri në 100,000 persona mund të duhet të evakuohen në të gjithë shtetin, raporton AP,
Duke vënë në dukje rrezikun nga dështimi i digave dhe argjinaturave, zyrtarët lëshuan të mërkurën urdhra “largohuni tani” për dhjetëra mijëra banorë të zonës së përmbytjes së lumit Skagit, përfshirë qytetin e Burlington, ku jetojnë rreth 10,000 persona. Deri të premten në mëngjes, uji i përzier me baltë kishte dalë nga një kënetë dhe kishte depërtuar në disa shtëpi, duke shkaktuar paralajmërime më urgjente për banorët.
