Kryqi i Kuq po punon aktualisht për t’i tërhequr mijëra trupat e viktimave që përfunduan në det në përmbytjen e Dernës.
Kreu i qendrës mediatike të Gjysmëhënës së Kuqe Libiane në Derna, Salem al-Naas, thotë se kjo është për shkak të “erërave të forta që po frynin atë natë”.
“Kjo është ajo që ne pamë me sy të lirë”, thotë ai. “Jemi ende duke tërhequr trupat nga shtëpitë dhe nga nën rrënojat deri në këtë moment”, shton al-Naas, raporton BBC.
Ekipet e ndihmës po luftojnë për të ndihmuar të mbijetuarit dhe për të gjetur të vdekurit pesë ditë pas përmbytjeve shkatërruese që goditën Libinë lindore.
Mijëra njerëz u vranë kur dy diga shpërthyen pas reshjeve intensive nga stuhia Daniel, duke përmbytur lagje të tëra në qytetin Derna.
Shifrat për numrin e të vdekurve variojnë nga rreth 6,000 në 11,000 – dhe me mijëra të listuar ende si të zhdukur, kryebashkiaku i qytetit thotë se totali mund të arrijë në 20 mijë.
