Nëntë persona u vranë kur dy helikopterë të ushtrisë amerikane Black Hawk u përplasën gjatë një misioni stërvitor në Kentaki të mërkurën vonë në mbrëmje, sipas Washington Post.
Dy HH-60 Black Hawks të Divizionit 101 Ajror u rrëzuan rreth orës 22:00 të së mërkurës mbrëma (05:00 sot të enjten, me orën evropiane) në Trigg County, Kentucky, tha më herët një oficer i marrëdhënieve me publikun ushtarak të Fort Campbell. Ai nuk specifikoi numrin e viktimave.
“Ne kemi disa lajme të këqija nga Fort Campbell, me raportet fillestare të një përplasjeje helikopteri dhe viktima që priten,” tha guvernatori Andy Beshear në një postim në Twitter.
HH-60 është një variant i helikopterit Black Hawk që ofron mbështetje ajrore për operacione të ndryshme ushtarake, duke përfshirë sulmet ajrore dhe transportin e viktimave.
