Shefi i delegacionit të Beogradit në dialogun me Kosovën, Petar Petkoviq, pas takimit të pestë në Bruksel, në të cilin është diskutuar për ndalimin e pagesave në dinarë, ka thënë se ende nuk kanë lëvizur “sepse Prishtina nuk dëshiron të arrihet një zgjidhje”.
“Tashmë është mbledhja e pestë dhe ne nuk kemi lëvizur nga vendi ynë, ndërsa në anën tjetër serbët në Kosovë po vuajnë dita-ditës nga ai vendim i njëanshëm i dhunshëm që anuloi pagat, pensionet, përfitimet sociale dhe kërcënoi punën e institucioneve tona në Kosovë ”, u tha Petkoviq gazetarëve.
Siç tha ai, Beogradi sot bëri gjithçka për të gjetur një zgjidhje për vendimin për anulimin e transaksioneve të pagesave në dinarë.
“Ne dolëm me një propozim konstruktiv që Brukseli dhe Lajçaku e ekipi i tij e vlerësuan si bazë solide për vazhdimin e bisedimeve, gjë që tregoi se ne jemi palë konstruktive. Prishtina erdhi në Bruksel pa komentuar idetë e BE-së dhe kjo tregon se pala tjetër nuk dëshiron të arrijë marrëveshje dhe të gjejë zgjidhje”, tha Petkoviq.
Ai theksoi se nevojitet një zgjidhje urgjente.
“Njerëzit që punojnë mund të arrijnë faktin që mund t’i tërheqin të ardhurat nga Republika e Serbisë. Ata rregullisht marrin të ardhura nga Republika e Serbisë në llogaritë e tyre, nuk ka asnjë problem dhe ne do të mundohemi t’i mbajmë, por problemi ja që Prishtina nuk dëshiron zgjidhje me të gjitha propozimet që ne i dalim, ajo nuk i shkon për shtat Prishtinës këtu me qëllim të dëbimit të qytetarëve të Kosovës”, tha ai.
