Presidenti i Iranit, Masoud Pezeshkian, ka pretenduar se “kërkesat e paarsyeshme” të SHBA-së kanë penguar një marrëveshje në bisedimet e fundjavës midis Uashingtonit dhe Teheranit në Pakistan.
Këtë qëndrim ai e ka shprehur në një telefonatë që të hënën e ka pasur me presidentin francez, Emmanuel Macron.
“Ne i kemi deklaruar qartë kushtet e armëpushimit dhe mbetemi të përkushtuar ndaj tyre. Kërkesat e tepërta të SHBA-së penguan arritjen e një marrëveshjeje… Irani do të vazhdojë negociatat vetëm brenda kornizës së ligjit ndërkombëtar.”, ka deklaruar Pezeshkian.
Ai ka thënë se kërcënimet e Trumpit rreth Ngushticës së Hormuzit do të ketë pasoja të gjera për botën.
