Këngëtarja amerikane, Pink, u ofroi t’ua paguante gjobën hendbollisteve norvegjeze, të cilat u gjobitën sepse nuk donin të vishnin bikini në ndeshjet e Kampionatit Evropian.
Hendbollistet norvegjeze u gjobitën me 1.500 euro për veshje ‘të papërshtatshme’ pasi kishin veshur pantallona të shkurtra në vend të brekëve bikini në pjesën e poshtme. Ndërsa Pink është ofruar ta paguajë atë gjobë.
“Unë jam shumë krenare për ekipin norvegjez të hendbollit që u rebelua kundër rregullave seksiste në lidhje me pajisjet. Urime zonja. Unë jam e lumtur të paguaj gjobën për ju, vazhdoni në atë mënyrë”, ka shkruar Pink në Twitter.
I’m VERY proud of the Norwegian female beach handball team FOR PROTESTING THE VERY SEXIST RULES ABOUT THEIR “uniform”. The European handball federation SHOULD BE FINED FOR SEXISM. Good on ya, ladies. I’ll be happy to pay your fines for you. Keep it up.— P!nk (@Pink) July 25, 2021
Federata Norvegjeze gjithashtu njoftoi javën e kaluar se do ta paguante gjobën, sepse lojtarët e hendbollit kanë të drejtën e zgjedhjes.
Në ndërkohë, ato janë të entuziazmuar gjithashtu me reagimin e këngëtares amerikane, duke shkruar: “Uau, shumë faleminderit për mbështetjen”.
