Kryetari i Komunës së Prishtinës, Përparim Rama, ka paralajmëruar një projekt që po zhvillohet në kryeqytet, krijimin e një roboti që do të ndërtojë tulla nga materiale të ricikluara.
Nga Venecia, Rama ka zbuluar se roboti do të jetë në gjendje të prodhojë nga 600 deri në 1 mijë tulla në ditë, duke përdorur vetëm materiale të ricikluara, si pjesë e përpjekjeve për ndërtim të qëndrueshëm dhe teknologji të avancuar.
“E kam një befasi për ju. Jemi duke e ba edhe robotin në Prishtinë, që ka me përdorë materiale të reciklume, edhe prej materialeve të reciklume me ndërtu tulla, 600-1000 në ditë”, tha Rama.
Kryetari me këtë rast thumboi edhe institucionet qendrore, duke përmendur Ministrinë e Kulturës dhe IKMM-në, në lidhje me ndërhyrjet në sheshin “Xhorxh Bush”, duke thënë se mund ta ndalin edhe këtë.
“Mos i tregoni IKMM’së dhe Ministrisë së Kulturës se vijnë na e ndalin. Mbane privatësinë”, shtoi ai.
