Policia federale braziliane të hënën kontrolloi pronat e lidhura me Carlos Bolsonaro, djlai i ish-presidentit të ekstremit të djathtë Jair Bolsonaro, si pjesë e një hetimi për spiunimin e dyshuar të paligjshëm ndaj armiqve politikë gjatë mandatit të babait të tij, thanë dy burime.
Carlos Bolsonaro, një këshilltar i qytetit të Rio de Zhaneiros, po përballej tashmë me një hetim të Gjykatës së Lartë për gjoja drejtimin e një fabrike lajmesh të rreme nga brenda pallatit presidencial.
Ai ka mohuar më parë çdo keqbërje dhe nuk iu përgjigj menjëherë një kërkese për koment në lidhje me operacionin policor të së hënës që u urdhërua nga gjyqtari i gjykatës së lartë Alexandre de Moraes, sipas një vendimi të publikuar.
Kërkimi i pronave të tij shënon një përshkallëzim të ashpër në hetimin e shpejtë të spiunazhit, duke goditur rrethin e brendshëm të Bolsonaros.
Ish-presidenti, i cili tashmë është shpallur i papërshtatshëm politikisht deri në vitin 2030 për sjelljen e tij gjatë garës së tij të pasuksesshme në rizgjedhjen në vitin 2022, përballet me hetime të shumta ligjore që mund ta çojnë ende në burg, shkruan Reuters,
