Mbrëmjen e së hënës ka ndodhur një vetaksident i rëndë në fshatin Kuzmin të Fushë Kosovës, ku kanë mbetur të vdekura dy gra – vozitësja dhe pasagjerja.
Zëdhënësi i policisë për rajonin e Prishtinës, Agron Borovci, për Gazetën Enigma tha se njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat që karakterizojnë rastin.
“Prishtinë, 20 maj 2025 – Mbrëmë rreth orës 22:15, është raportuar se në fshatin Kuzmin të Fushë Kosovës, ka ndodhur një vetaksident trafiku rrugor, me pasoja fatale. Për pasojë në veturën e vetaksidentuar dy persona, vozitësja dhe pasagjerja kanë humbur jetën. Njësia rajonale e trafikut ka dalë në vendin e ngjarjes, dhe ka nisur një hetim lidhur me rrethanat që karakterizojnë rastin”, thuhet në përgjigje.
