Policia në Prishtinë ka shpallur në kërkim gruan që shihni në fotografi.
Përmes një njoftimi në Facebook, policia i ka bërë thirrje kujtdo që ka informacion për vendndodhjen e kësaj të dyshuare, të kontaktojë menjëherë policinë e Kosovës ose të raportojë në mënyrë anonime përmes aplikacionit “lajmëro policinë”.
“Bashkëpunimi juaj është thelbësor për të na ndihmuar të garantojmë sigurinë brenda komunitetit tonë për një shoqëri pa krim”, thotë më tej policia e cila nuk e ka specifikuar veprën penale për të cilën po kërkohet e dyshuara.
