Prindërit myslimanë kanë protestuar para dyerve të shkollës pasi fëmijëve iu servua mish derri në vend të salsiçeve vegjetariane në bufe.
Ata kërkuan që Ryders Green Primary në West Bromwich të shpjegonte se si u shkaktua ‘përzierja’ që çoi në servimin e një pjate kundër fesë së tyre.
Prindërit më pas e çuan protestën e tyre përpara dyerve të shkollës të premten pasi mishi i derrit është i ndaluar në mënyrë specifike për myslimanët.
Një prind tha për Black Country Live se është ‘e neveritshme’ ‘përzierja’ e ndodhur në një shkollë ku rreth 70% e nxënësve janë myslimanë.
Prindi nga shkolla Claypit Lane tha se asaj iu rimbursuan paratë dhe iu tha të enjten nga një mësues se vajzës së saj i ishte dhënë mish derri në vend të salsiçeve vegjetale dhe puresë.
U vu re se sallami ‘dukej ndryshe’ nga ato normale dhe pas kafshimit të parë u duk se edhe shija ishte ‘ndryshe’.
Ajo shtoi: “Mësuesja tha se kompania e hotelierisë kishte konfirmuar që të gjithë fëmijëve në shkollë, të cilët kishin porositur salsiçe vegjetariane, iu dha mish derri. Ne duhet të porosisim online, një javë më parë, atë që duan fëmijët tanë çdo ditë. E gjithë shkolla u prek. Kushdo që porosiste salsiçe vegjetariane i jepej mish. Që vajzës sime t’i jepet një produkt që është kundër fesë sonë është absolutisht e neveritshme. Rreth 70% e nxënësve janë myslimanë”.
Autoriteti lokal përgjegjës për shkollimin Sandwell Council foli gjithashtu me prindërit me kompaninë e hotelierisë dhe shkollën.
Një zëdhënës i shkollës fillore Ryders Green tha: “Të enjten, pati një incident që përfshinte kompaninë e hotelierisë që ofron ushqimet tona në shkollë, gjë që nënkuptonte se disa nxënësve u shërbyen mish në vend të opsionit vegjetarian që kishin zgjedhur. Ne e kemi marrë këtë çështje shumë seriozisht dhe jemi ankuar zyrtarisht te ofruesi i kateringut dhe Agjencia e Standardeve të Ushqimit”.
