Kryetari i Prishtinës, Përparim Rama, bashkë me përfaqësuesit e Bashkësisë Islame, në nder të muajit të shenjtë të Ramazanit, sonte ndezën dritat dekoruese në kryeqytet.
“Le të shërbejë ky muaj si një mundësi për të forcuar lidhjet mes nesh, për të ndarë më shumë mirësi dhe për të kultivuar vlera që e bëjnë shoqërinë tonë më të drejtë dhe më njerëzore”, shkroi Rama, duke postuar një video nga dekorimet.
“Ramazan të begatë për të gjithë”, shtoi i pari i Prishtinës.
