Shefi i Grupit Parlamentar të AAK-së, Besnik Tahiri, ka thënë se Qeveria e Kosovës përmes Projektligjit për zyrtarët publikë po dëshiron të kap Administratën Shtetërore.
Në anën tjetër, Tahiri tregoi edhe ndër kërkesat kryesore që i kanë si deputetë nga qytetarët.
“Ky ligj nuk është ligj për zyrtarët publikë, por është ligji i kapjes së administratës shtetërore. Është i ligji i cili ka për ta goditur në thelb funksionimin e meritokracisë”, tha ai.
“Nëse ky ligj njëherë hyn në fuqi, kurrë më asnjë parti politike dhe koalicion nuk ka me largu këtë ligj, pasi askush nuk dëshiron me ia këput vetit. Ne po flasim në mënyrë të sinqertë, kërkesat kryesore ne deputetë i kemi për punësim, le të din populli çka po flasim. Neve na thonë ‘a mundeni me na ndihmu në punësim aty, këtu’”, tha ai.
