Këtë të mërkurë Prokuroria Themelore në Ferizaj ka mbajtur konferencë për media lidhur me vrasjen e rreshterit Muhamed Lika në Kaçanik, raporton Gazeta “Enigma”.
Kryeprokurori Burim Çerkini në fjalën e tij ka bërë të ditur se të dyshuar janë dy persona, të cilët ende janë të panjohur për organet e rendit.
“Siç dihet, mbrëmë më 1 prill, rreth orës 23:00, në Kaçanik, nga dy persona të panjohur, është vrarë pjesëtari i Policisë së Kosovës, Muhamed Lika. I njëjti, në kohën kur ka ndodhur rasti, ka qenë duke u kthyer nga puna. Në shkallët e ndërtesës nga persona të panjohur është qëlluar, dhe nga plagët vdekjeprurëse ka ndërruar jetë”, tha ai në konferencën për media.
